Evenementer

Generalversammlung 2018

Geschrieben von Fraen a Mammen Berdorf. Posted in Evenementer

Op der Generalversammlung vun de Fraen a Mammen, Sektioun Berdorf, de 14. März 2018, konnte mir Chequer am Wert vun 28.240 € u karitativ Vereenigungen iwerreechen. Des Somm as den Erléis vun eisem Haupeschfest mat Konschthandwierkermaart 2017. Hei haten sech eng 120 Konschthandwierker afonnt fir hir Créatiounen virzestellen. Et waren eng 8000 Leit op desem Weekend bei eis op Besuch komm. Mir all freeen eis elo schon op den nächste Konschthandwierkermaart, deen dest Jar den 3. an de 4. November 2018 fir d´13. kéier zu Berdorf gefeiert gett. Mir giffen eis fréeen iech do ze begéinen. Linda Hartmann, Präsidentin vun de Fraen a Mammen Berdorf.

Plooschterprojet 13.01.2018

Geschrieben von Fraen a Mammen Berdorf. Posted in Evenementer

D’Fraen a Mammen vu Bäertref an Zesummenaarbecht mam Plooschterprojet haten e Samschdeg op Bäertref invitéiert, fir d’Leit ze motivéieren, sech als Stammzellespender ze registréieren.

Et goufen och méi wéi 50 nei Spender registréiert, ënnert hinnen och de Buergermeeschter vu Bäertref. Doniewt goufen awer och Don'en gesammelt an et konnt een sech informéiren wéi sou eng Stammzellespend konkret ofleeft. Selbstverständlech ass et zu all Moment méiglech, sech och registréieren ze loossen an esou Leit eventuell ze hëllefen, déi u Leukämie erkrankt sinn. Weider Infoen gëtt et ënnert www.plooschterprojet.lu 

Text a Fotoen: Fernand Schmitz

Makadammen – 05.02.2017

Geschrieben von Fraen a Mammen Berdorf. Posted in Evenementer

Op Invitatioun vun de lokalen „Fraen a Mammen“ as deen best bekannten Ensemble „Makadammen“ op en Neits zu Bäertref opgetrueden.

D'Präsidentin Linda Hartmann konnt am Kulturzentrum „a Schmadds“ ronn 200 Spectateuren begréissen, déi bäim aktuellen Programm „Turlatäin“ en amüsanten a gelongenen Owend verbruecht hun.

27.01.2017 – Merci !

Geschrieben von Fraen a Mammen Berdorf. Posted in Evenementer

De 27. Januar war et rem souwäit fir all deenen Leit Merci ze soen déi um leschten Haupeschfest matgeschafft oder an irgend enger Form zum Succès vun dësem flotten Fest bäigedroen hun.

De Comité vun de Fraen a Mammen huet dofir an de Bäertreffer Centre Culturel „a Schmadds“ invitéiert fir zesummen mat villen Mëmberen, Frënn, Vertrieder vun der Gemeng an de Veräiner, de Sponsoren asw e flotten Owend ze verbréngen.